❞ ˝أنا المنقذ˝
من حيرتك فى قراراتك...
من ضعفك فى إستسلامك...
من أوهامك اللى توصلك لجنانك...
من سجنك فى أفكارك...
من روتينك فى حياتك...
من توريث السلبية...
اللى فى حياتك بطريقة مش عادية...
من جهلهم اللى بيزرعوا فيك و فية...
وبيسقوه بأفكار ديكتاتورية...
وتتملى جراح وقاسية...
وفى الأخر يقولولك إنت مكنتش قد المسؤلية . ❝

❞ ˝إنسى يابنتى˝
إنه يتغير...
مهما تديله فرصة...
هيمثل عليكى...
ويتمحك فيكى...
ويقولك أعيش وأديكى...
أصل أنا بموت فيكى...
ومليش أى بنت بعديكى...
ومعنتش هجرح فيكى...
ودايما هراضيكى...
وهمسح دموع عينيكى...
وهتكونى طريقى...
وفى الأخر محدش يعرف أراضيكى...
ولا إيه اللى عمله فيكى...
ويفضل يمرمط فيكى...
لإما يرميكى...
ويرجعك لوالديكى . ❝

❞ ˝إوعي تندمي˝
أو فى يوم تعيطي...
هو أنتِ مكنتيش بتقرري...
ولا لوحدك بتفكري...
معتبرينك زي الألة...
ممنوع فى يوم تعطلي...
وملكيش الحق إنك تتأمري...
وممنوع إنك تؤمري...
فاكرينك من ضلع أعوج...
وبسهولة تتكسري...
ميعرفوش إنك ممكن تبقي قوية أوى...
إعتبريه درس ليكي...
بدل لما كان هيفضل يدمر فيكي...
ما أنتِ طول ما بيتقفل عليكي...
عمرك ماكنتي هتتعلمي...
إلا لما تجربي...
علشان تقدري تفكري...
وتقدري تقرري...
إنك فى يوم هتتحرري . ❝

❞ ˝مش مكفيهم اللى عملوا فية˝
حتى الحب بيستكتروا علية...
علشان هو قوتى الحقيقية...
وأنا قد المسؤلية...
وأقدر أهد الدنيا دية...
بقوتى الحقيقية...
على اللى بكوا فى يوم عينية...
واللى ياما جرحوا فية...
ومكنوش قد المسؤلية...
ولاحافظوا على الأمانة...
وكانوا فى دمهم الخيانة...
ومن الناس الجبانة...
وأول واحد هيتجزى...
هو رئيسهم اللى مسيطر على رؤسهم...
ونفسوهم وعقولهم . ❝

❞ ˝قالها إشمعنى أنا˝
قالتله لإنك إنت...
تبقى أنا...
وكأننا على...
نفس المسطرة...
وعمرنا ماينفع...
نجيب وراء...
لو حد فينا وقع...
التانى أكيد هيقع...
علشان إحنا روح واحدة...
على شخصين...
مش مجرد روحين...
زى أى إتنين...
إحنا فى كل حاجة مختلفين...
عن باقى البنى أدمين...
علشان إحنا روح واحدة...
لكن هما بيبقوا إتنين إتنين . ❝

❞ ˝ملكة تحارب بنفسها˝
إتحديت الدنيا كلها...
إنتصرت فى الحروب جميعها...
بقوة حبها لحبيبها...
حولت نارها لنورها...
خلصت سحر حبيبها...
بقوتها وسحرها...
لما إستعادت ملكها...
وهتفرح بنصرها...
لما هتنور الدنيا كلها بنورها...
وهى متوجة على عرشها...
وحدت الأكوان بعظمتها . ❝

❞ ˝بلاش العشم يخدك˝
بزيادة ويوديك بعيد...
علشان هترجع وحيد...
هتحس بإحساس مميت...
إنك إتعشمت بزيادة...
ونسيت إن الندالة عادة...
مش سكر زيادة...
بلاش تفضل تتمادى . ❝

قراءة المزيد .. ❞ ˝المستحيل تقدر تخليه ممكن˝
مفيش حاجة إسمها مستحيل إحنا اللى حابسين أنفسنا فى سجن إسمه المستحيل...
وأنتم اللى طول ماأنتم عايشين عمالين تبنوا وتعلوا فى أسياخ هذا السجن...
وبعد كدة تقول هو أنا مخنوق ومدايق على طول ليه وأنتم أصلا اللى حابسين نفسكم فى سجن المستحيل...
فلازم كل واحد زى مابنى السجن دة وعلا فيه جه الوقت إن لازم يكسر أسياخ السجن...
إنسى إن حد يقدر يساعدك إنت بس اللى تقدر تساعد نفسك اللى حابسها فى سجن المستحيل...
علشان كل شخص محبوس فى سجن لوحده مع نفسه يبقى هيساعد غيره إزاى غير لو خرج نفسه وكسر سجنه هو الأول...
فامتنتظرش حاجة من أى حد إنت لما تحرر نفسك بنفسك مش هتلاقى حد جمبك غير نفسك...
وعمرك ماهتحتاج لحد وقتها بس ممكن تقدر تساعد غيرك ومش أى حد تساعده...
اللى هيقدرك ويحترمك واللى عنده إستعداد فعلا يساعد نفسه فاأنت هتساعده بتوجيهات وترشده يساعد نفسه إزاى من تجربتك وواقع حياتك...
اللى مريت بيها بالفعل ساعتها مش هيبقى مجرد كلام تتمنظر بيه وخلاص أو يأمرون الناس بمالايفعلون...
أول لما تحرر نفسك هتحس بإحساس جميل أوى وهتحس بشعور عمرك ماحسيته وهتحس بإختلاف فى كل حاجة فى حياتك . ❝