دليل الكتب والمؤلفين ودور النشر والفعاليات الثقافيّة ، اقتباسات و مقتطفات من الكتب ، أقوال المؤلفين ، اقتباسات ومقاطع من الكتب مصنّفة حسب التخصص ، نصيّة وصور من الكتب ، وملخصات للكتب فيديو ومراجعات وتقييمات 2024
❞ الشعر أتفه من محاولة ممنهجة لفك تعقيدة عينيكي ..
فإزاي أحاول بالحروف أوصف جمالِك ؟
ماقدرش أقول غير إني أقول الشعر هالكِ ..
وانتِ فـ شط العمر باقية ..
وانت بحبر الشعر خالدة ..
الشعر أتفه من معاندة .. مش مفيدة ..
( إني أنا قد جئتُ من بين الحروف مُقاتِلا و مكبلا )
فبلاش عشان أخلق حياة بعد الممات . ❝
❞ إزاي شوارعنا اللي بعترها الزمن ..
هتسيبنا تنجمّع بجَد؟
أنا قلبي طير محتاج سما ..
لكن بحد !
سيبي عينك مفتوحة له ..
يرسم سماه فيها ويفرد جناحينه ويحضنها ..
خليه يحس بإنه طِير لو مرة بس ..
أنا قلبي حَس بإنه ضاع وقت أمّا حس ! . ❝
❞ بالليل كل اللى قالوا هيفضلوا بيمشوا.. وكل اللى مشيوا بيرجعوا.. وكل الاغانى بيوجعوا.. وكل الحنين بيزيد بالليل.. الحزن مش بالايد هى الحياة معاناة.. نام الليلادى كمان وأمرنا لله والصبح.. وزع جراحك زى اللبان فى المترو ولمهم كاملين حجر الخلايق ضاق.. معدش ليك عندهم ولا كلمتين حلوين لو حتى يبقوا نفاق . ❝
❞ قابل بقى الجرح اللى لسة هيوجعك
مع كل أول ليل كأنه فى أوله
حاسب فيه ناس بيمثلوا
صقّف بعزم ما فيك ودمَّع وانحنى
قول ان عرض الليلة فعلا مسّنى
وان انت صدقت وهويت
رغم ان كان عدد الحضور غيرك كتير
وان انت كرسيك الأخير
بس اشتريت
وكرهت ضعفك وابتسمت وفهمت مضمون الهوى
لكن مشيت أضغف ما جيت
علشان ماروحتوش سوا . ❝